ثقافةمجتمعمنوعات

أباذر أحمد : من حب التمثيل الى الهندسة وضمن أبرز الرسامين السودانيين

مهندس او ممثل او فنان ! .. لاحدود لابداعك فالتجارب والبحث عن الذات هو بداية ايجادها، من يعلم ! لربما انت كل ماتريد وكل ما تريد يريدك ! قد لا تتفق معي لكن أباذر لديه مقالة رائعة وموهبه فريدة ..

هذه مقالة المبدع أباذر

لنتعرف على قصته وأعماله

أنا أباذر أحمد محمد أحمد الشامي من مواليد مدينة أم روابة شمال كردفان،عمري 26 عام ، خريج هندسة كهرباء والكترونيات قسم ( الإتصالات).

من أنا صغير كنت بحب التمثيل والدراما جدا، كنت بحب المسرح تحديدا وبشوف إنو المسرح مكان مهم شديد لعلاج القضايا المهمة في حياتنا وممكن يساهم في تغير التاريخ .

كنت بحب أكتشف الحاجات وأهبش أي حاجة جديدة وأفكها عشان أعرف الجواها شنو ودا شكله هو السبب الأساسي الخلاني أبقي مهندس مؤخرا.

من الحاجات البحبها جدا كورة القدم والكتب ومعظم وقتي مؤخرا بقضيهو فيهم.

لحدي الصف السادس أساس ما كنت عارف نفسي برسم كان عندي أصحابي معاي في نفس الصف رسامين شديد عبدالله إبراهيم وفارس وكنت بقلدهم.

الإهتمام الحقيقي بي موهبتي بدأ لمن دخلت الجامعة ولحدي الفترة ديك ماف زول ولا حتي ناس بيتنا ما كانوا عارفين إني برسم تقريبا جزء بسيط من أصحابي في الثانوي لاحظوا لي رسمي في الكتب والكراسات.

أول ورق وأقلام رصاص بديت بيها تجربتي أشترتهم لي أمي ومن هنا بديت أحتفظ بأعمالي.

أنا كنت محظوظ جدا لأنو بداية تجربتي لقيت أهتمام من فنانين تشكلين جميلين وهم المرشدين لي وللأن بساعدوني وبدعموني التشكيلي حاتم كوكو وهو خالي والتشكيلي حاتم فاضلابي وصديقي المصور الجميل مظفر موسي حنيتر.

حاليا انا برسم بورترية (رسم الوجوه) بستخدم تلاتة خامات حبر ورصاص وفحم ومهتم جدا بالرصاص لانو إتقان الرسم بي قلم الرصاص بسهل ليك أي تجربة حتخوضها وهو الأساس في تعليم الرسم.

اهم عمل للفنان اباذر

عندي تجارب في رسم التجريد وهو نوع رسم بديك براح في إنك تنقل أفكارك وترسم بي حرية كاملة وتتماهي بدون قيود.

مفترض كل فنان يسأل نفسه هو عاوز من الفن شنو عشان تقدر تحدد مشروعك وتجتهد فيهو وتحفز نفسك بي نفسك ودي نصيحتي لي كل فنان لازم يكون عندك مشروع.

بشكر بايونير إنها أتاحت لي الفرصة دي وإنشاء الله ما أكون طولت عليكم.

ابرز اعمال الفنان

وانت ما رأيك في هذه اللوحات الرائعة والأعمال المميزة؟ شاركنا برأيك

Heba Hassab Al-nabi

طبيبة مختبر وكاتبة محتوى ابداعي ورسامة ، ومهتمة بالبحث العلمي . 🌸💚شمعتي لا تنطفيء💚🌸

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى