منوعات

أحمد فواز : رسماته الجميلة تقف حائرة أبرز الرسامين السودانيين

التفاصيل الصغيرة التي يهتم بها فن البورتريه بامكانها صنع لوحة مكتملة ومعبرة ،تلك التفاصيل هي اكثر ما يهتم بها أبرز الرسامين السودانيين

هذه مقالة المبدع أحمد

لنتعرف على قصته واعماله

اسمي احمد فواز خالد، الملقب ب(خفاش) عمري ٢٢ سنه بدرس بنوك وتمويل جامعه السودان للعلوم والتكنولوجيا، اسكن شرق النيل الحاج يوسف، بحب الرسم والموسيقي وقراءة الكتب.

الرسم هوايتي منذ الصغر.. من وانا صغير ما كنت بكتب واجبات المدرسة كنت برسم في الحصة مع اصحابي بمرحلة الاساس ولغاية ما وصلت تالتة ثانوي وانا بشخبط في الكراريس حتى اصحابي كلهم عارفني زول شخبطة

ابرع في رسم البورتريهات والفن التشكيلي بأنواعه وفن الجداريات وساعي في تعليم عزف جيتار.

ابرز الاعمال ال انا بفتخر بيها

رسمة للشهيد الوسيله، والفوز في مسابقه (احمد ال تازي) الرئيس الشرفي لنادي المريخ، ورسمتي للشاعر محمد الحسن سالم حميد له الرحمه والمغفره، ورسمتي للبروفسور الطيب صالح له الرحمه والمغفره.

طموحي اوصل فني للعالميه، واشوف جميع المبدعين من ابناء بلادي المهمشين نجوم تضيئ حلك العالم في شتى القطاعات الفنية وبتمني من الاعلام يهتم بالكلام ده.

بديت الرسم عموماً منذ الطفولة، مثلا في مرحله الاساس كنت برسم في غلاف الكراريس والكتب وكدا، لكن كبدايه حتميه كدا ٢٠٢٠ بديت اطور الموهبه وبقيت برسم بالحبر واشتغلت بالألوان المائيه وتعمقت في المجال بصورة واسعة .

من التحديات الواجهتني لقيت كتير من الاحباط في بدايه مسيرتي، خصوصا في السوشال ميديا و الواقع ولكن لم اركز كثيرا على هذا واعتبرته تحديا زاتيا لأني عارف نفسي حأصل المرحله ال انا فيها الآن، واتخطيت كل التحديات الإحباطات والعقبات والحواجز (والحمد لله).

لقيت الدعم من ناس كتار بقدر ما لقيت الانتقاد،منهم

صحبتي مرام العربي اكتر واحده دعمتني
والرسام: محمد دفع الله (جاسوس)
والرسام: (كوش)
والرسامه: لوله

بتمنى من وزارة الثقافة والجهات المهتمه انها ترعى وتركز وتقف صفا واحدا وتلتفت لفنون الشباب وتدعم طموحاتهم الإندفنت في العهد البائد إن شاء الله ولو بالدعم المعنوي فقط، لأنهم مظلومين إعلامياً..

وبتمنى انو الناس تدعم بعض في جميع الفنون وتدعم المبتدئين عشان نقدر نوصل صوتنا لي العالم، نحنا عندنا الكتير من الشباب المبدعين بس مفتقرين للدعم والاعلام وبتمنى الناس تقيف مع بعض عشان ابداعنا ما يضيع و عشان تبصر مواهبنا النور ونبقي واجهة اجمل لبلدنا بالفن والفنون والثقافة .

أبرز أعمال الفنان

وانت ما رأيك في هذه اللوحات والأعمال المميزة ؟شاركنا برأيك

Heba Hassab Al-nabi

طبيبة مختبر وكاتبة محتوى ابداعي ورسامة ، ومهتمة بالبحث العلمي . 🌸💚شمعتي لا تنطفيء💚🌸

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى