غير مصنف

امجد محمد : الرسم بالنسبة له عشق لا محدود ابرز الرسامين السودانيين

بدأت مهاراته ومحاولاته في الرسم بالإبداع عندما كان ينافس أقرانه، ووجد من تلك المنافسات محفزا ليبدع اكثر ويصل لمرحلة بعيدة في رسم التفاصيل والملامح ليكون ضمن أبرز الرسامين السودانيين.

هذه مقالة المبدع أمجد محمد

امجد محمد أحمد ، ابرز الرسامين السودانيين

نتعرف على قصته وشغفه

اسمي امجد محمد احمد التويم، سوداني الجنسيه ، اسكن كسلا، الاصل الولايه الشماليه القرير العمراب من مواليد 1988.

درست الاساس مدرسة مصعب بن عمير الأساسية ، والمرحلة الثانوية بمدرسة كسلا الثانويه، وانا خريج محاسبه جامعه كسلا، اعمل محاسب لدي شركة كسلا فارم لانتاج الدواجن والاعلاف.

الرسم بالنسبة لي عشق غير محدود منذ الصغر وحب ابدي في مرحله الثانوي كان عندي منافسة بيني وبين احد الزملاء علي الرسومات وكان مشجعني الموضوع ده شديد.

ابتعدت وعدت أقوى

امجد محمد أحمد

بعدها ابتعدت عن الرسم فترة طويله ايام الجامعه وكنت زعلان جدا علي الكلام ده لكن الحمدلله رجعت اقوي من اول وبشغف اكبر والشجعني اكتر القروبات الجميله الفي الفيس بوك.

يعني لما تشوف مبدعين ورسامين بمستوي عالمي في البلد دي انت لو ما عندك علاقه بالرسم بتتابع القروبات دي.

ومن ضمنها طبعا قروب الرسيم السوداني حاجه جميله ورسامين علي مستوي عالي ونتمني نصل مرحلتهم ان شاء الله.

برسم اكتر حاجه بورتريه جربت اقلام رصاص وجاف والوان خشب لكن بحب رسم الجاف اكتر وبرتاح فيه نفسي ارسم لوحات طبيعه بالوان مائيه بحب الطبيعه.

الطموح الكبير

طموحي اني اوثق رسومات لكل الاماكن المعروفه والمشهوره في سودانا الحبيب من شمالو لجنوبو ومن شرقو لغربو واتمني اتوفق في الزمن الكافي للفكرة دي مع صعوبات الحياة.

ابرز لوحات وأعمال الفنان

وانت ما رأيك في هذه اللوحات والأعمال المميزة ؟

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى