غير مصنف

سمر ياسر: مصورة وعاشقة فن الماندالا أبرز الرسامين السودانيين

سمر تدرس الفنون وتعشق التصوير، تلك التفاصيل الدقيقة تجعلك تتمعن في الوقت والجهد والشغف الذي اخرج تلك الأعمال التي عندما يراها الآخرون سيوقنون أن مبدعها هو من أبرز الرسامين السودانيين والعالميين.

هذه مقالة المبدعة سمر ياسر طه

سمر ياسر طه ، ابرز الرسامين السودانيين

نتعرف على سمر ياسر وقصتها

انا اسمي سمر ياسر طه وعمري 20 سنة، بدرس في جامعه السودان للعلوم والتكنلوجيا كليه الفنون الجميلة والتطبيقية قسم التصميم الايضاحي (الجرافيك) المستوى الثالث.

الفنون عباره عن هوايه ابتديت بيها حياتي كما يقال، والحقيقة هي ان رغبتي الاصليه كانت معمار او التصميم الداخلي، لكن ربنا اراد ادخل كليه الفنون وقسم الجرافيك و استمريت فيو .

ابتديت رسم بشكل جاد ٢٠١٩ مع زمن الثورة المجيدة.. ابتديت مع اسرة ترابيثيا الجميله جدا، ترابيثيا المكان الوحيد العارف يحتوينا ف كل الحب.

سمر ياسر ، ابرز الرسامين السودانيين

بعرف ارسم بكل من (الرصاص، الفحم، ديجتال، بوب ارت) وبتدرب علي الحبر.. بحب رسم المانديلا فهي عموما بتغير لي جو وبحب اشكل فيها بمزاجي وبرسم انمي .

كمان بعررف اكتب خط عربي و من الفنون الشغاله عليها واتقنتها الحمدلله اما التصوير فهو قصة أخرى..

طموحي دايما اني احترف التصوير والرسم اكتر واكتر وابقي ب معرضي الخاص واسمي يكون عندو مكانه كبيرة بين الرسامين والمصورين .

سمر ياسر طه ، ابرز المصورين الرسامين السودانيين

وموقنه تماما انو ربنا ما خلق زول ساي (بدون سبب) كلنا عندنا رساله مفروض ناديها ف الدنيا دي .. فنفسي استخدم مواهبي ف حاجه تنفع الناس وبلدي بالأخص.

دايما نحن بنجتهد عشان عندنا هدف عندنا حلم ولازم اصل ليو وعشان الحلم يكون حقيقه عندي ايمان بقدراتي والطاقه البكسبها من حوليني كافية انها تخلي الحلم. حقيقه..

البدايات!

سمر ياسر طه

كانت تحدي كبير شديد من الناس الشايفين المجال دا ما عندو قيمه ومن الناس البتقول لي فنون شنو ومن الناس الكسرو مجادفينا.

مهما كان نرسم او نفتخر ب شغلنا فيه ناس بتحاول احباطنا فكان الاصرار والموهبه الي كبرت معاي لازم تكمل واصل للغاية.

امي دايما هي الداعم الاول والاخير وهي الكانت بتقدر شغلي وتعبي وهي الكانت بتبحث معاي لحلول وهي كانت بتشجعني كل يوم حتكبري اسمك يا سمر وحتحققي م تتعبي وم تقيفي وم تشتغلي بيهم.. وأيضا ما بنسى دعم شلة الثانوي الجميله جدا.

سمر ياسر طه

مجال الفنون حلو شديد وتحدياته صعبه شديد من بيئه حولك او ناس معاك او هو في حد ذاته من سهر وما الي ذلك بس زيه زي لحظة النجاح لمن تشوف لوحتك الفنيه بعد تخلصها، وتشوف كل تعبك وابداعك فيها!

فمثل ما هو حلو وجميل.. بس محتاج صبر و عزيمة وهمة.. زي دافينشي م وصل لاسمه منذ ولدوه بهذه السهوله! وغيرو من المبدعين.

شاهد ابرز أعمال سمر ياسر

ابرز الصور بعدسة سمر ياسر

يمكنك الوصول لسمر عبر صفحتها، وانت ما رأيك في هذه اللوحات والأعمال المميزة ؟

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى