غير مصنف

شهد عبدالله : الرسم بالنسبة لي عالم آخر ابرز الرسامين السودانيين

فنانة رغم حداثة سنها وتجربتها في الرسم والفنون الا أنها تستطيع ايصال احساسها عبر ريشتها الرقيقة ، هي موهوبة وتسعى بشكل هادئ لتكون من أبرز الرسامين السودانيين .

هذه مقالة المبدعة شهد عبدالله

نتعرف على شهد وقصتها

اسمي شهد عبدالله الرب حنين عمري 17 عام بدرس الصف الثالث علمي، بميل لي كل انواع الفن سواء كنت بتقنها أو لا ، بحب التجربة والتمييز في كل حاجة ببداها واكتر نوع من الفنون اللي لقيت نفسي فيه ( البورتريه ).

بالأول ما كان عندي اي فكرة عن انو في ناس بترسم ولا عندي فكرة عن رسم البورتريه او غيره ، كنت من صغيرة برسم رسم من المنهج في المدرسة بطريقة حلوة وكانت كل التعليقات انك ها تبقي رسامة يا شهد.

شهد عبدالله، ابرز الرسامين السودانيين

ومع ذلك م كنت فاكرة اني في يوم ممكن ارسم لحد ما جاء شهر أبريل 2019 فكرت اني ممكن ارسم ملامح شخص قدامي في ورقة.

وقبلها كنت برسم مناظر طبيعية وحاجات من خيالي شوية شوية فكرت ارسم ناس عديل ودي كانت بالنسبة لي مستحيلة فقلت اجرب وفعلا بديت وكانت بداية حلوة غير متوقعة لا مني ولا من زول مرت شهور واتطورت كتير .

الفترة بين الرسمة والثانية بتكون طويلة بس بكون حريصة اني ادخل كل التفاصيل والمعلومات الاكتسبتها من خلال لوحات بتقابلني في السوشال ميديا.

شهد عبدالله، ابرز الرسامين السودانيين

وبقدر الامكان بجتهد في الرسمة عشان تطلع حقيقية ، وما زلت بحاول اطور من نفسي لحد م اصل لحلمي واللي هو معرضي الخاص.

الرسم بالنسبة ليا عالم تاني بلجأ ليه في كل حالة وشغفي بجد اني أوصّلو للناس بطريقة جميلة وبسيطة ، واصبح من ضمن الناس العملو بصمة في الفنون في بلدي واي بلد تانية .

التحديات لم توقفني

واجهت عقبات كتيرة واولها ( انتي دايرة شنو بي الرسم ) ما فيه فايدة ، ومستقبلك ، طيب وقرايتك . وكتير من الناس الما بتقدر المواهب كانو سلبيين جدا.

والحمد لله كنت برضو بفرغ كل الضغط في اوراقي البيضاء مرات تجي حلوة مرات ما تزبط معاي ودي حاجة تانية واجهتها في جهة تانية لقيت دعم كبير شديد واولا من أبوي ربنا يرحمه.

كان معجب جدا بي رسماتي وهو كان اول بورتريه رسمتو ، اخوي وناس البيت وصحباتي وكم شخص مقربين مني بيفرحو بأقل انجازاتي.

برضو تعليقات كتير من الناس كانت وما زالت بتحببني في السعي لتقديم الأفضل دائما بحب ادخل الفن في اي حاجة واعمل اي حاجة بحبها براي ف جربت برضو اعمل جرابات لتلفوني وكانو محاولات بسيطة فرحت بيها جدا.

ابرز لوحات وأعمال شهد عبدالله

وانت ما رأيك في هذه اللوحات والأعمال المميزة ؟ شاركنا برأيك.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى