غير مصنف

عروة يعقوب : محب القلم الجاف ابرز الرسامين السودانيين

يهوى القلم ويعشقه وتخرج به ابداعاته بشكل مثير جداً، حتى صار ضمن اساليبه الخاصة في الفن والرسم، يسعى عروة رغم الظروف والتحديات ليستمر ويكون ضمن ابرز الرسامين السودانيين.

هذه مقالة المبدع عروة يعقوب

عروة يعقوب ، ابرز الرسامين السودانيين

تعرف على قصته واعماله

انا عروة يعقوب حسن من أمدرمان درست في أمدرمان الإسلامية قسم الأرصاد الجوية لكن ما كملت دراسة، ادركت انو عايز اغير اتجاهي بالكامل.

بديت الرسم من الطفولة بس بشكل متقطع ما بتزكر انو كنت متميز لا بالعكس، بديت ارسم بشكل جاد ومنظم تقريبا من 2017م.

علمته نفسي، ما لاقتني كورسات رسم او اي رسام عشان يعلمني بشكل مباشر وله كدة لحد ما وصلت لهذا المستوى.

و الرسم بالنسبة لي كان وما زال واحة سلام وصمت داخلي وصديق وقت الفراغ، وكنت بتمنى انو يكون عمل وظيفة.

التحديات كبيرة ولكن..

عروة يعقوب

لكن ما اظن في بلدنا دي ودي يمكن من التحديات البتواجه اي رسام انو الرسم ما بيعتبر وظيفة فعلية ليها قيمته.

لكن كان في تشجيع من الزملاء و ناس البيت بلقى تشجيع واعجاب لما اعرض رسمي ودي مثلت دفعة معنوية كويسه.

بديت بالرصاص والالوان الخشبية وبعدين بديت اجرب كل الخامات المتوفرة لكن جزبتني اكتر خامة الجاف لبساطتها وجمالها وتميزها.

لي قدام كدة ان شاء الله عاوز اطور شغلي اكتر واكتر لأقصى الحدوود خصوصا في خامة الجاف.

كلمة اخيرة

بقول لكل رسام ولنفسي واصل رغم التحديات ما تخلي الظروف تهزمك اقلع لنفسك وقت خاص رغم المشغولات.

و لكل شخص عايز يتعلم انو يبدأ وما ينتظر شخص يعلمو مافي حاجة اسمها موهبة اتدرب وحتصل وشكرا شكرا.

اطلع على ابرز أعماله

عروة يعقوب
عروة يعقوب

وانت ما رأيك في هذه اللوحات والأعمال المميزة ؟ شاركنا برأيك.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى