غير مصنف

علي نصرالدين : مقارنة أعمالي بالآخرين زادتني طموحا ابرز الرسامين السودانيين

علي من أكثر الطموحين في الفنون والرسم، بدأ واحترف في رسم البورتريه والانمي وهو اكثر ما شدني شخصيا في أعمال المبدع علي نصرالدين الذي نعتبره ضمن أبرز الرسامين السودانيين بل العالميين.

هذه مقالة المبدع علي نصرالدين !

علي نصر الدين، ابرز الرسامين السودانيين

انا علي نصرالدين عمري ٢٠ سنه، وادرس بجامعه السودان للعلوم والتكنولوجيا، قسم الهندسه المدنيه المستوى الثالث.

بحب ادي هواياتي زمن مع انو مع الجامعه بنشغل كتير ، طموحي وشغفي في المستقبل انو اتطور في الهندسه شديد.

وفي نفس الوقت اواصل في الرسم اللي هو هوايتي المفضله وانو الف دول العالم عشان اخد خبرات وفي نفس الوقت ارفع راس بلدي.

البدايات

علي نصر الدين، ابرز الرسامين السودانيين

من كنت صغير في الاساس كنت بحب الرسم جدا بالذات رسم اللوغوز ودراغون بول لكن رسمي كان عباره عن شخبطات وفي نفس الوقت بعجبني شديد .

لكن كانت اكبر نقله في حياتي بعد ما دخلت الجامعه لانو دخلت على مجتمع اوسع وكل مره كنت بلقى ناس رسامين لدرجه اني بتصدم لمن اشوف رسمهم.

كنت بقارن كتيير بين رسمي ورسم الناس لكن مقارنه على سبيل اني في يوم من الايام حابقى زيهم او احسن وفعلا حاليا بقيت انافسهم.

اعمل لكي استمتع!

علي نصر الدين، ابرز الرسامين السودانيين

في الفتره الاخيره بقيت ما بركز مع انو الرسمة تكون جميلة شديد وبيرفكت لكن بفضل اني استمتع فيها واظهر فيها موهبتي.

وادمج بين عدد كبير من الادوات والخامات وكل مره اتعلم حاجه جديده، او اتعلم استخدام ادوات جديده او نوع جديد.

التحديات

اكبر التحديات اني كنت القى الادوات واعرفها او اعرف التقنيات بتاعت الرسم ؛ عشان كدا كل ما القى فنان مبتدئ بكون حريص اني انصحه واوريه اي حاجه هو محتاج ليها ممكن يلقاها كيف او يعملها كيف لاني مريت بالمرحله دي .

وكمان من التحديات الكبيره المحبطين لكن ما كانو بأثروا علي كتير بل بالعكس بذيدوني حماس اني ابقى احسن وابهرهم.

ابرز لوحات وأعمال علي نصرالدين

علي نصر الدين، ابرز الرسامين السودانيين

اكتر من دعمني

اكتر حد دعمني كان امي حتى اسوأ الرسمات كانت بتشكرني عشاناها ودعمتني ماديا ربنا يديها العافيه، و بعدها كان الدعم من ابوي واصحابي ما قصرو ربنا يجزيهم خير.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى