ثقافةمجتمعمنوعات

مالك عمر : الزمن الكافي للرسم هو سر نجاح ابرز الرسامين السودانيين

ستعجبك لوحات الفنان فقط ان كان يحتوي الفن في اعماقه فتتجسد موهبته على الاشياء حوله ، فحتى حبات الرمل بإمكانها ان تصنع لوحة او حتى انعكاس الماء بامكانه ان يصبح فن فقط ان ادركنا كيف وبماذا ؟ شاهد موهبة احد ابرز الرسامين السودانيين في هذا المقال..

هذه مقالة المبدع مالك

لنتعرف على قصته وأعماله

انا مالك عمر من ولاية الجزيرة عمري 21 سنة إمتحنت الشهادة السودانية والحمد لله قبلوني في جامعة السودان للعلوم والتكنولوجيا بكلاريوس الهندسة المدنية، دا المجال المفروض اقراهو من زمان لأنو مناسب مع هوايتي واللي هي الرسم.

الرسم هوايتي المفضلة بديت الرسم من وانا صغير في بدايات مرحلة الأساس واستمريت في الرسم كنت برسم بالرصاص في كراسات المدرسة لحد ما وصلت سادس أو سابع وقفت من الرسم لسنوات .

كانت الموهبة موجودة في داخلي لكن م كنت قادر اطلعها لانو م لقيت زول يدعمني عشان استمر بالإضافة لوجود الناس المحبطين.

وقفت من الرسم اعوام وفي عام 2019م قررت أرجع أرسم وأدعم وأحفز نفسي بنفسي لأنو إتيقنت يقين تام إنو الدعم الحقيقي ببدا من الداخل ومن بعدو حتى الناس تبدا تدعمني وتقيف معاي .

واكتر ناس وقفو معي وساعدوني هم ناس بيتنا وبرضو في اصدقاء كتار كانو بدعموني وللان في جزء منهم مستمر في دعمي.

وبالفعل رجعت للرسم وكنت مبتدئ وبديت أطور نفسي في الرسم واتحسن مستواي .

وفي عام 2020 جات فترة الحظر بسبب جائحة كورونا وكانت فرصة كبيرة بالنسبة لي واستغليتا في الرسم وكانت أكتر فترة اتطورت فيها ورسمت فيها عدد كبير من الرسمات.

والحمد لله في العام الحالي 2021 ومع استمرار التطور في الرسم قررت اجرب انواع مختلفة من فنون الرسم .

دخلت في الرسم بالألوان الزيتية وألوان الخشب ودخلت في فن الرسم على الجداران وحاليا وبفضل الله بشتغل في النقاشة والديكور.

واجهتني تحديات كتيرة لكن دايما كنت بحول التحديات لفرص ومن ضمنها م كنت قادر اوافق بين الرسم والدراسة والعمل ،ومن اكتر الخامات البحبها خامة الرصاص والفحم وأغلب رسماتي بالرصاص .

وأخيرا نصحيتي للرسامين وبالأخص المبتدئين انهم م يستعجلو في الرسم ويدو الرسمة زمنها الكافي وانهم م يستعجلو الإحتراف والبادي جديد يبدا بالرصاص ويتقن التخطيط الأولي والنسب والتظليل والدمج حتى يدخل في باقي الخامات..

أبرز اعمال الفنان

وانت ما رأيك في هذه اللوحات الرائعة والأعمال المميزة؟ شاركنا برأيك

Heba Hassab Al-nabi

طبيبة مختبر وكاتبة محتوى ابداعي ورسامة ، ومهتمة بالبحث العلمي . 🌸💚شمعتي لا تنطفيء💚🌸

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى