غير مصنف

محمد جعفر : احب رسم الجداريات والانمي ابرز الرسامين السودانيين

من حوله في المجتمع لم يقتنعوا بان الفنون والرسم مجال جاد يمكن ان يكون مستقبل بالنسبة له، وهذه النظرة انعكست على ابتعاده عن مجال الفنون، ولكن كل ذلك لم يكن كافيا لإيقافه عن الرسم والابداع وسعيه ليكون ضمن أبرز الرسامين السودانيين.

هذه مقالة المبدع محمد جعفر

محمد جعفر، ابرز الرسامين السودانيين

نتعرف عليه وعلى قصته

إسمي محمد جعفر، عمري 22 سنة، بدرس في المستوى الرابع محاسبة، انا محب للرسم، هاوي في الوقت الحاضر، وأتمنى أكون محترف في الرسم في القريب العاجل.

بدايتي مع الرسم كانت من وأنا صغير، كنت برسم من مجلات الكرتون و سبيستون وكمعظم الأطفال كنت بحب التلوين جدًّا.

لكن البداية الجادة كانت في 2017 بعد دخلت مجموعة سايفر للرسم واتعرفت على رسامين وبديت أفهم أنواع الرسم والأدوات البتستخدم في الرسم ومن هنا بدأ المشوار.

اتعلمت رسم البورتريه، الإنمي، الديجتال، واشتغلت جداريات كتيرة للثورة وغيرها، وبعدها انضميت لمبادرة Blue Mazar Art، وهي بتضم كوكبة من الرسامين والرسامات.

وكنت بشارك في تحدياتهم ونتنافس والحاجة دي فادتني جدًّا بالذات في كسر فترة الركود (art block)، وبرضو ما انسي الفضل لي مبادره نماء الطوعية في شغل الجداريات.

طبعًا الرسم كأي مجال في الحياة، بتواجهنا فيهو عقبات كتيرة، زي مشكلة الأدوات وعدم توفرها في بلدنا وغلاء أسعارها “إن وجدت”، و مشكلة الزمن، وفترة ال (art block) اللي بنمر بيها كلنا في فترات متقطعة من مشوارنا.

التحديات

محمد جعفر

أبرز التحديات والعقبات بالنسبة لي كمحمد جعفر، كان كلام الناس لمن قررت أدخل فنون وبديت أهتم بالمجال، لأنهم ما شايفين إنو الرسم مستقبل.

بل بالعكس، بيعتبر ضياع زمن وكلام فاضي ليهم، فالتحقت بالمحاسبة لكن الحمد لله اتغلبت على النقطة دي وقررت ما اتأثر بكلامهم كتير، فما خليت الرسم أبدًا، واجتهدت فيهو اجتهاد ذاتي.

وبرضو من العقبات إنو أنا شخص انطوائي بطبعي، م بعرف أتعامل مع الناس وما بحب الكلام الكتير.

محمد جعفر

والحاجة دي اتضررت منها إنو في بداياتي الناس م كانو بيعرفوني أَو بيعرفو إني برسم، وعشان كدا م لقيت كمية دعم كبيرة في المجال، فا كنت بدعم وبشجع نفسي بنفسي.

بديت انفتح للمحيط الخارجي قريب وعملت قناة للرسم في اليوتيوب وحاليًّا شغال أطور في نفسي أكتر وأكتر وأجود شغلي.

وطموحي إني احترف الرسم وأصل للعالمية بإذن الله وأنافس أكبر الرسامين وتكون عندي بصمة واضحة في المجال.. ولكل مجتهدٍ نصيب.

ابرز أعمال الفنان

وانت ما رأيك في هذه اللوحات والأعمال المميزة ؟شاركنا برأيك

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى