غير مصنف

محمد حماد : ستبهرك رسماته المتقنه للأنمي أبرز الرسامين السودانيين

في زمن أصبح فيه توجه الشباب الى مشاهدة الأنمي الشهيرة في دول أسيا ، صار الكثير من الرسامين يرسمون لوحات الأنمي الشهيرة جدا ومن بينهم العديد من أبرز الرسامين السودانيين منهم المبدع محمد .

هذه مقالة المبدع محمد

نتعرف على قصته واعماله

انا محمد حماد وعمري ١٩ سنة، ادرس هندسة ميكانيكية في جامعة السودان للعلوم والتكنلوجيا.

انا مجرد هاوي للرسم وبحبه كثير ، وعايز احترف فيه
عايز اجرب كل الخامات الممكنة وعايز اطور مستواي زيادة وزيادة.

جربت أنواع رسم كثيرة أكثر انواع جذبوني هم الانمي و ال dtiys ورسم الجماجم، وأكثر خامات بحب ارسم بيها هي المائية والخشبية والديجيتال.

شغفي بالمستقبل اني اصنع قصص خاصة بي وانشرها واخلي العالم كلو يحبه، واني احترف الرسم واصعد لمستويات جديدة عمري مافكرت اني اوصلهاا.

بدايتي في الرسم كانت وانا صغير كنت بحب الرسم كثير ،
ولما كنت في الثانوية كنت بحب حصة الفنون جدا وكنت بركز فيها أكثر من باقي الحصص.

بس بدايتي الحقيقية في الرسم هي لما دخلت الجامعةفي صديق لي كان بيبهرني بالرسم الخاص بيه وكل مرة كنت بتابع رسمو ، وهو شجعني اني اجرب ارسم.

وشوية شوية كنت بدخل معاه تحديات لحدي ما اتعلمت الرسم واتعلقت بيه جدا.

والساعدني في تطوري في الرسم هي الاجازة الحصلت في بدايات الثورة وقتها كنت بقضي كل وقتي في تعلم الرسم.

كنت بحب التحديات جدا، بالرغم اني ماكنت بفوز فيها دائما
بس خسارتي فيها هي ادتني دافع اني اجتهد واجتهد عشان اقدر اتغلب على الهزمني في المرة الجاية.

أكثر ناس دعموني في أسرتي هم اهلي واصحابي
كانو بيذعموني طوالي وكانو بيشجعوني جدا اني اواصل في الرسم .

كانو بيدوني حافز ودافع كبير اني ارسم، انا شاكر ليهم جدا لأنهم هم الوقفو معاي في كل لحظة.

في الختام حابي اقول ليك اوع تيأس من رسمك مهما كان وما تخلي الناس تحبطك وخليك واثق من مستواك.

لو خسرت فتحدي اجتهد واتشجع عشان تفوز المرة الجاية
وما تشتغل بالاراء والتعليقات السلبية البتجيك، خليها تكون دافع لأنك تكون أقوى في المرة الجاية.

حب الرسم واجتهد فيه واخد واستمتع وانت بترسم، حتنبهر بالنتيجة النهائية
وشكرا❤️

أبرز أعمال الفنان


وانت ما رأيك في هذه اللوحات والأعمال المميزة ؟شاركنا برأيك

Heba Hassab Al-nabi

طبيبة مختبر وكاتبة محتوى ابداعي ورسامة ، ومهتمة بالبحث العلمي . 🌸💚شمعتي لا تنطفيء💚🌸

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى