ثقافةمجتمعمنوعات

محمد عبد العزيز: اطمح لعرض قطع فنية جذابة لدى ابرز الرسامين السودانيين

البورتريه ام الفن التشكيلي! ان الخيال، التحريف، والاسلوب ؛ثلاث مزايا للفن التشكيلي ويعد الخيال احد اهم المزايا التي يجب ان تتمكنها، فخيالك هو كالقائد، سيقودك نحو افكار عدة و بطرق عدة، ان احببت الفن التشكيلي حاول مثلما يفعل ابرز الرسامين السودانيين، يطمح محمد ان يصبح فنان تشكيلي ماهر الا انه موهوب في البورتريه كما يبدو ! اقرا مقالته..

هذه مقالة المبدع محمد

لنتعرف على قصته واعماله

اسمي محمد عبد العزيز نهار، عمري 20 عام، بدرس في كلية الفنون الجميلة والتطبيقية قسم التلوين في المستوى الثاني، من مواليد الخرطوم.

ابتديت ارسم من وانا كنت صغير وكنت بشوف ابوي بيرسم ومن الزمن داك مسكت القلم وبديت اتعلم وهو اكتر زول دعمني.

بقيت احضر الفديوهات الفي الميديا والقنوات الفي اليوتيوب ابتديت ارسم عربات وانمي.

ما شفت عربية ما رسمتها وما خليت شخصية كرتونية ما رسمتها لحدي ما حصلت سنة تامنة وبديت ارسم بورتريه بي الرصاص فقط.

وما كنت بعرف انواع خامات غيرها وكل ما اعرف معلومة بنبهر اكتر وبزيد شغفي للرسم ومن الفترة ديك بديت مشواري.

والى هذا الحين الالوان المائية هي الخامة المحببة بالنسبة لي ولي قدام ان شاء الله ولسا الدرب طويل.

اطمح لأن اكون فنان تشكيلي كبير ويكون عندي قطع فنية تتعرض في معارض ومتاحف كبيرة كده ان شاء الله.

من اكبر التحديات والصعوبات الواجهتني لمن قررت انو ادخل كلية الفنون كان في عدم قبول كبير من اتجاه المعارف والاهل.

ولكن ابوي شجعني وقبل أن ألتحق بالكلية، حتى كان فكرت انو اخليها لكن الحمد لله كنت خاتي في بالي الحاجة الكنت عايز اصل ليها.

وكان عندي هدف وما اشتغلت بي كلام زول ودايما في اي مشوار بتلاقيك عقبات وصعوبات…

ابرز اعمال الفنان

وانت مارأيك في هذه الاعمال الرائعه ؟ شاركنا برأيك.

Heba Hassab Al-nabi

طبيبة مختبر وكاتبة محتوى ابداعي ورسامة ، ومهتمة بالبحث العلمي . 🌸💚شمعتي لا تنطفيء💚🌸

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى