غير مصنف

محمد علي : ابرع بفن الرسم الرقمي ابرز الفنانين السودانيين

فن مختلف استحدثه العصر الجديد.. العالم الرقمي، محمد علي يبدع في الرسم الرقمي ويسعى ليكون ضمن أبرز الفنانين السودانيين.

هذه مقالة المبدع محمد علي إسماعيل

محمد علي إسماعيل، ابرز الرسامين السودانيين

تعرف عليه وعلى قصته

محمد علي اسماعيل جمعه العمر 21 سنه بدرس هندسه مدنيه جامعة الزعيم الازهري، المجال ابرع فيهو الرسم رقمي (ديجيتال).

طموحاتي ان اطور نفسي اكتر واكتر واصل العالميه ب اذن الله وتوفيقه و اوسع اكتر وادخل مجال الرسم الرقمي ف السودان.

بدايتي ف الرسم عموما من كنت صغير عندي حب وشغف كبير للرسم وكل حاجه قدامي بحاول ارسمها وبستمع جدا ب النتيجه كان بدايتي ب رسم طبيعه ورسومات كرتون وحاجات بسيطه .

والحمدلله لحدي م اكتشفت الرسم الرقمي وبدايتي كانت نهايت 201 6 حسيت انو ممكن ابدع ف المجال دا اكتر من رسمي ع الورق وبديت ابحث ف المجال دا واشاهد فيديوهات عن الرسم الرقمي.

ولقيته مجال متوسع وممكن ينفع معاي وبديت اتشجع كل يوم ارسم وبحس انو بعد كل رسمه ف تطور ودا كان السبب الخلاني استمر فيهو وتطوري الاكبر كان عام 2019.

في عام 2020 لمن بديت انشر ف مواقع التواصل ولقيت دعم كبير من المتابعين.

البدايات شكلت اكبر تحدياتي

بحيث كنت اقضي زمن طويل في الرسمة وفي النهاية بتطلع ماف شبه بين الرسمه والصوره الاصل والحمدلله باصراري وعزيمتي قدرت اتخطيتها.

لاقتني كميه من الانتقادات والتعليقات السلبيه والتشكيك في شغلي وهذا الشي خلاني اتشجع و اتحدا نفسي.

اكتر شيء دعمني دعوات الوالده ربنا يديها الصحه والعافيه ويطول ف عمرها من اكتر الناس الدعموني حرفيا.

والتحيه خاصه خاصه جدا لدفعتي 27 مدنيه عموما دفعتي اليد البستند عليها اتطورت واتحسنت ع ايديهم وكميه الدعم الكبير منهم.

والشكر الخاص لابن خالتي في السعوديه محمد ادم وابن عمي الرحيمه، وكل الشكر لمن دعمني.

شاهد ابرز أعمال محمد علي إسماعيل

وانت ما رأيك في هذه اللوحات والأعمال المميزة ؟

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى