قصص ناجحة

مشروع مكتبة ببلوسودان

قصة (Biblosudan)

 آيه عبدو، طالبة اشعه طبيه في  جامعه السودان للعُلوم والتكنولوجيا، محبة للكتب والقراءة , مؤسس لعدد من المبادرات المختلفة ,ومؤسس لمبادرة بـــبلوســــودان (ادينا الزيت)، والآن مؤسس ومالكة مكتبة “Biblosudan”.

كلمينا عن Biblosudan؟ وكيف بدأت الفكرة ؟

طيب ببلوسودان كانت السنة الفاتت مُجرد فكرة خطرت على بالي وحبيت أنفذها مع أصحابي والناس اللي بعرفهم!

ف لما لقيت إنو مافي قبول عليها دا سبب رئيسي خلاني أصر أحقق الحاجة دي وهي إنو الناس تقرأ الكتب، ونعمل مجتمع قارئ مثقف مطلع في السودان، بقدر الإمكان ببلوسودان جات علشان تحل مُشكلة، مشكلة إن الخرطوم باتت لا تقرأ، كل السبل التي تؤدي إلى القراءة أصبحت مسدودة.. (ببلوسودان جاءت لتفتح تلك السُبل).

ما الذي يميز مكتبة Biblosudan عن غيرها؟

في ببلوسودان بنوفر كُل الكتب للعميل ب أبسط المبالغ وهي عبر إستلاف الكتاب المعين وإرجاعه ب قيمة إشتراك رمزية جدًا، نحن بنحاول حل مُشكلة أسعار الكتب الغالية جدًا وبنوفر ليهم مُلخصات عن الكتاب المُعيّن ب مختلف وسائل العرض علشان تكون الإستفادة أكبر.

“بعد عام من الآن ستتمنى لو انك بدأت الآن”  آيه

برأيك ، ما هي اهم  جوانب نجاح الاعمال الناشئة ؟

برأيي العمل الناشئ علشان ينجح لازم يكون مميز، بيحل مُشكلة معينة في المجتمع ويُخطط ليه بصورة صحيحة.

كلمينا عن خططك المستقبلية وافكارك لتطوير المكتبة ؟

إن شاء الله في القريب العاجل نوفر كُل أقسام الكتب بمختلف المجالات.. و نفتتح كافيه أو مكان هادئ يساعد الناس على الاسترخاء والقراءة.

كلمينا عن تيم Biblosudan؟

التيم حالياً مكوّن من 6 أشخاص هم أعضاء مجلس الإدارة، تيم بيشتغل ب حب و إجتهاد وإصرار وعزيمة كبيرة جدًا .

ما هي منهجيتك في التسويق؟

منهجيتنا في التسويق هي جذب العميل ل حُب القراءة بمختلف الوسائل سواء سمعية أو بصرية أو حسيّة.

بنستخدم المُسابقات الترويجية وكمان العروض المغرية للعملاء و كمان عبر ملخصات الكتب سواء كانت مكتوبة أو مسموعة أو مصوّرة. مع كتير من الاكسسوارات التي تحبب الشخص في القراءة زي ال book marks مثلاً.

بإذن الله في خلال سنة نكون موجودين داخل كُل ولاية سودانية وكل جامعة سودانية وكل حي علشان نفيد كُل فئات المجتمع بإذن الله.

رسالة اخيره للشباب ؟

الرسالة الأولى والأخيرة هي إنك تؤمن ب نفسك وب حلمك وما تقيف ل أي سبب.. حتلاقيك عقبات والطريق ما مليان ورود لكن ب إيمانك بحلمك ح تقدر تتخطاها.. أهم حاجة في البزنس إنك تخطط ليو صاح وتعرف تدخل السوق صاح وتستهدف عُملائك صاح .

بايونير

بايونير هي مؤسسة رائدة في التمكين وريادة الأعمال تهدف لبناء المجتمع الأكثر تأثيرآ في الوطن العربي والعالم..

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى