غير مصنف

مصعب آدم : بدايتي الحقيقية بعد الثورة ورسم الجداريات لأصبح أبرز الرسامين السودانيين

في سرد قصته مع الرسم يقول الفنان مصعب “في الصف التامن شاركت في مسابقة رسم إسمها (اليوم العالمي لنظافة البيئة البحرية ) وفزت بالمركز الاول.”والآن هو في مراحل متقدمة لدى أبرز الرسامين السودانيين

هذه مقالة المبدع مصعب

الأسم مصعب آدم عمر، اللقب (عنكب)، تاريخ الميلاد 2/1/1997 ، مكان الميلاد جنوب كردفان ،عشت واتربيت وللان ف بورتسودان.

بدا مشواري مع الرسم من وانا صغير ف الصف الثالث أساس.

اكتشفت الموهبة دي وبديت أشخبط من الزمن داك ، كان اي كراس عندي فيهو كم صفحة فيها رسومات، كعادة كل طفل كان شغفي بالانمي والكرتون.

واستمريت للصف التامن ، في الصف التامن شاركت في مسابقة رسم إسمها (اليوم العالمي لنظافة البيئة البحرية ) وفزت بالمركز الاول.

ويلا بدت الانتكاسة من الثانوي لانو صراحة ما كان ف داعم حقيقي لي ، وخاصة ف الاسرة .

كان بعتبروني م عندي موضوع ، وانشغلت بحاجات تانية وخليت الرسم ، الا فترة فترة وما كان في تطور .

وبدت البداية الحقيقية لي في الرسم وبشكل جادي بعد ظهور الثورة وظهور رسامين الجدارايات.

صراحة ديل هم الاعادو الحياة للفنان الجواي ورجعو لي الشغف من رسوماتهم الحمستني وخلتني اعرف انو البلد دي فيها فنانيين عظماء.

واكتشفت ما انا براي الكنت مدفون ومظلوم والتحية موصلة لكل فنان منهم.

المهم، كان حماسي انو اشارك في جداريات معاهم، وفعلاً وبفضل بعض من الفرد والاصحاب قدرت أشارك .

جدارية مصعب آدم

ومن هنا ظهر لي شغف البورتريه مع اني ما كنت مايل عليهو نهائياً، ولا عندي عنو خلفية وبعد عدة ممارسات للبورتريه بالرصاص.

وبشكر الاخ والزميل الفنان مصعب صلاح هو الدعمني وفي ظرف سنة تقريباً قدرت اعبر فيها .

وفجأه يظهر لي عشق للرسم من نوع اخر وهو رسم الاماكن والمناظر والجمادات كالسيارات والاجهزة والبيوت حتى كان حلمي ادرس هندسة لكن الان بدرس في كلية الآداب جامعة البحر الأحمر.

يلا لقيت نفسي جداً ف النوع دا من الرسم وبجدع في تفاصيلو بدقة وكل سلاسة ،والان ما زلت مواصل فيهو واطمح لانو أكون رسام كما تصور الكاميرا تماماً.

وكل الشكر موصول لكم فردا فردا لدعم مبدعي وفناني بلادي ❤️

أبرز أعمال الفنان

وأنت مارأيك في رسومات الفنان مصعب؟شاركنا برأيك

Heba Hassab Al-nabi

طبيبة مختبر وكاتبة محتوى ابداعي ورسامة ، ومهتمة بالبحث العلمي . 🌸💚شمعتي لا تنطفيء💚🌸

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى