غير مصنف

لُدن عاطف : مواجهة الانتقاد طريق للنجاح أبرز الرسامين السودانيين

“المعاناه تولد الإبداع”مقولة عرفها البعض و حذى حذوها أخرون لربما ان لم يمرو بالصعاب لما استطاعوا صعود القمم أبرز الرسامين السودانيين

هذه مقالة المبدعة لُدن

الرسامه لُدن عاطف، ابرز الرساميين السودانيين

نتعرف على قصتها واعمالها

إسمي لُدن عاطف أحمد (بت إجلال) عمري 19 بدرس كلية التربية الفنية المستوى الثاني .

في بداية مشواري الفني، وأمارس العديد من أنواع الفنون كالماندلا، و البورتريه، و الكرتون، و إعادة التدوير.


من قمت بحب الرسم شديد بس ما كان ماخد المساحة الكافية في حياتي، برسم من إجازة لي اجازة و الحمدلله انو ناس البيت كانوا داعمني شديد

في مقولة بتقول الرسم يواسي من كسرتهم الحياة يبقى الرسم الملجأ الوحيد لي لمن أكون زعلانة شديد حتى لمن أكون فرحانة بحس انو مفترض ارسم حتى لو كانت لوحة كاملة المهم أمسك القلم.

بتمنى انو الرسم يلقى المساحة الكافية و الاهتمام الكافي في السودان، و بنصح الناس المبتدئة أول حاجة ما يركزو مع كلام الناس كدا كدا بفشلوك و ينتقدوك المهم انت تعمل الحاجة البتحبها و نفسك مرتاحة ليها.

أتيحت لي الفرصة مرة واحدة شاركت في معرض اسفيري و ان شاء الله بتتكرر في معارض أكبر و شاركت في رسم جدارية و برضو بتمنى انو أشارك تاني .

من أهم طموحاتي أن يكون لدي معارض خاصة و اتمنى ان أصل للإحترافية و التميز في أعمالي الخاصة.

من التحديات الواجهتني و الى الآن بعاني منها استصغار أعمالي البسيطة، و من المقولات الثابتة(دا شنو أسي؟؟ رسمك دي حيفيدك في شنو!! و حتصلي لي شنو!!..ما عندك موضوع ما تشوفي ليك حاجة تنفعك) بتمنى اني أقدر أثبت نفسي.

اكتر الداعمين لي الوالد و الوالدة، و أصدقائي الرسامين بالجد وقفوا معاي و كنت دايما بلجأ ليهم و كانوا داعمني بمعنى الكلمة سواء أصدقاء الكلية أو اصدقاء الفيسبوك

أبرز اعمال الفنانة

وانت ما رأيك في هذه اللوحات والأعمال المميزة ؟شاركنا برأيك

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى